Lalpan heng thu hi min chah a ni
Phuahtu: K. Hranglawta
1. Lalpan heng thu hi min chah a ni,
Hrilhlâwkna thu belh leh paih lo turin;
Belhchhah leh thai bo a awm phawt chuan,
"Nunna thing leh khaw thianghlim a chan chu;
Ka la bo ve ang," Lalpan a ti.
2. Khawvêl zawng zawngah kal ulangin,
Thil siam zawng hnênah Chanchin Ṭha hril r'u;
A ringa Isua hming baptisma,
Chang chu chhandamin an awm ngei ang a;
A ring lo chuan thiam loh an chang ang.
3. Abrahama awm hmaa awm tawh,
Lalpa Isua, Alpha leh Omega;
A hmasaber leh Hnuhnungber chuan,
"Keimah lo chu Pathian dang an awm lo,"
Tiin hnam tin zingah a puang ta.
4. Hmânah Pentecost ni ropuiah,
Hnam tin zînga Thlarau Thianghlim thlengin;
Thlarauvin a ṭawngtîr ang zêlin,
Ṭawng dang ṭheuhvin an inpâwl ta si a;
Ṭawnghriatlohva thusawi khap suh u.
5. "Kei, Lalpa leh Zirtirtu mahin,
In kete ka silsakna che u hi;
Nangni pawh in insilsak ṭhin nân,
In zînga tih hmuha in awm tak hi;
Chan in neih ve nân," Lalpan a ti.
