Lalpa thuthlung ropui tak chu
Phuahtu: Darrikhuma
1. Lalpa Thuthlung ropui tak chu,
Khawvêlah a thang zêl a;
A ringa baptisma chang chu,
Chhandamin an awm ang.
Pa, Fapa leh Thlarau Thianghlim
Hming, Lal Isua a ni;
Hming zawng zawnga chungnung ber chuan,
Baptisma-in kan awm.
2. Krista thihna leh thawhlehna,
Ṭâwmpuitu ni ve turin;
Baptisma-ah phûmin kan awm,
Nun thara kan awm nên.
3. Pathian rama lût thei tûrin,
"Tuiah leh Thlarauvah chuan;
In piangthar tûr a ni," tiin,
Lal Isuan min lo hrilh.
4. Thlarau thianghlim tiam hmu turin,
Hla taka mite tân pawh;
A koh apiangte tân a ni,
Haleluiah! Amen.
