Ram ropui hmun hlun ka ngai e zion
Phuahtu: Ngaizuala
1. Ram ropui hmun hlun ka ngai e, Zion,
Krista hmun siam ram ropui;
Lung man tam kawngkhar an hawn hun chuanin,
Angel vâr nên hla kan sa ang.
Kan ngai lo'ng lei hrehawm,
Zân thim lungngaih kan pelh hun chuan;
Pathian Beram No, kan khâwnvâr chu a êng reng tawh ang,
Lungngai fate kan lâwm ve tawh ang.
2. Kanan thar ram nuam kan thlen hun chuanin,
Lal Isuan min lo lâwm ang;
Hnehsawh tak maia min sawiseltute,
Lungngaiin an la ṭap ve ang.
3. Lal ṭhutthleng vâr ropui hmaah chuanin,
Hnam tinrêng zai kan vâwr ang;
Hmangaih fawh thianghlim a dai ngai tawh lo'ng,
Zalênna ram thianghlimah chuan.
4. Zion fate u, ram thianghlim pan r'u,
Rinna khâwnvâr chhî êng r'u;
Babulon mite hnehin kal zêl r'u,
Min hruaitu, Lal Krista en r'u.
