Ka hawi ngam love chhim hlei mual zalam tluang zawng khi
Phuahtu: Hrangchhingi
1. Ka hawi ngam love, chhim hlei mual zalam tluang zawng khi,
Hmanah ka hraileng tuanna leh zalam an kalna;
Ka tan tuar har tahna an chang zo ta,thihna nang vangin.
Awmlai leng avangin
Aw, ka tuarah vanpui a chim ta,
Ka ngai thiam lo ka tuaileng then chu;
Chatuan chawlhna ram nuam thleng ni mah se,
Ka ngai em a che, lo kir leh rawh.
2. Fam zun ngaih chu thi leh dam kara leng kan ni e,
Ka au ruai ruai kan sumtual leh dawhtling runah hian;
Ka enchimloh lungrun nang nen kan lawina dang ta.
Kan lawina run a dang ta e.
3. Lal pian hun kan lawmna ni a lo thleng leh ang a,
Dawntuai leng zawng par tinreng nen an lo vul leh ang;
I tel lo chuan chûn lungmawlin tah ka hmachhuan e.
Nau ang tah mai ka hmachhuan e.
4. Khawvel hreawm lungngaihna chhumpui zing hnuaiah hian,
Ka ngai em che, van lal Imanuel, min hnem la;
I chatuan ram ka thlen hma chuan mi hruai zel ang che.
Aw, min hruai zel ang che
