Tah lai ni kawlkung zamual a liam thei lo
Phuahtu: Romani
1. Ṭah lai ni kawlkung zamual a liam thei lo,
Ngaih lai tuaite lungchim taka then zawng chu aw;
Ka riang lua e, lungduh sulhnu hmunhlui nghâk,
Thuva awmhar chûn lo aw i dungthulin.
Ngaiin ka au zel dawn e ni ririai,
Thlang tlai tla hnu hmana thinlai lungdamna;
Chawnpui ianga dam lai parmawi kan vulna.
2. Ngaizual ila tlâng za awmhar lêng hnehin,
Rualkhum ila lunglam lênna thang mawi maw e;
Ka bang lo'ng e, khua rei kum sâng ral mah se,
Tawn leh har lungrun zual aw i hming sawi chu.
3. Pâr chhingchhengte an vul leh dâwn khua ṭhalah,
Dawn har mi hrilh khua romei a zâm ral leh e;
Kei chu rianghlei fam rolung mual nghâk tûrin,
Ngaihlai tuaite lunghnem aw i tel lo chuan.
