Aw hmangaihna hmangaihna ram
Phuahtu: F. Khualluta
1. Aw hmangaihna, hmangaihna ram,
Zion tlâng mawi chu aw, lo êng tawh rawh;
Vân Jerusalem khawpui thar nuama,
Lêngte zawng chuan;
Lungngaihna biahthu rêng rêng hi an sawi ngai tawh lo,
Ka Lal lênna ram mawia lêngte zawng chuan.
Aw, i ropuina nên i lo kal hun tur,
Aw kan nghâkhlel e;
Hun hnuhnung chhinchhiahnate zawng pawh,
A lo thleng zêl ta si a;
Engtikah nge tlansate chatuan zalênna nî tur,
Kan lâwmna ni ropui, a lo thlen ang le?
2. Khawvêl sual leh chhandamna,
Thuhril a bâng dawn lo, lo kal tawh mai rawh;
Khawvêl hawiher leh nawmchenna rêng hi,
A khamawm lua e;
Lalpa leia i mi thlante an la kim lo vem ni?
Zion faten lei hi aw, kan ning tawh e.
3. Haleluiah! Berâm No êngah,
Kan lêng dâwn si, Aw Haleluiah!
Kan sawi leh kan hril ngaithla lova,
Lêngte zawng chuan;
An chatuan ram Setan ral lian Gehena meipui,
An chang tawh dâwn si a, a pawi dawn mang e!
