Kan chhandamna kim nghakin
Phuahtu: Lalchhuana
1. Kan chhandamna kim nghâkin,
Thihna lo thleng tûrte kan nghah reng laiin;
Hun tlêm tê chauh kan nei ta,
Lal Isua i zui ang, a hming puang darhin.
Nunna thuchah puang tûrin,
Ropuina a ngai lo, finna a ngai lo;
Thiamna, sânna a ngai lo,
Bible-a a sawi ang hian i kal mai ang.
2. Muhîl thawh harh a hun ta,
Moneitu au âw chuan, "Inring r'u" a ti;
Moneitu chu hre rengin,
A thupêk chu zâwmin min hruai zêl ang a.
3. Lalpa lo kal nghâktute,
Sualna ten ni tina min bawm reng laiin;
Hnehna Lalpa dîl zêlin,
A hnên kan thlen apiang a thlâwn tawp lo vang.
