Lalpa Isua thuchah ropui tak chu
Phuahtu: Rev. H. Vantluanga
1. Lalpa Isua thuchah ropui tak chu,
A ringtu tân chatuan nunna;
Hre lo hnena hrila, puangdarh tûrin,
Min lo thlang ta, ka Lal Isuan.
"A chanchin la hrilhna ngai loh,
Mite chuan an hmu ang a;
La hre ngai lote chuan an la hria ang,"
Tih thu ziak anga hril tûrin.
2. Lalpa hmangaihna ropui tak mai chuan,
Ram thim, ram ro a chhun êng ta;
Mahse tlanna hre lo tam tak an awm,
Chhan chhuak tûrin Lalpan min ko.
3. Lalpan min tîr, a thu puangdarh tûrin,
Thuchah hnuhnung chhandamna thu;
Simna thu leh sual ngaihdamna thu chu,
Kâwlkil thlenga puangdarh tûrin.
4. Ka lo chhang ta, Lalpa i sawmna chu,
Kei engmah lo, saruak mai hi;
I Thlarau Thianghlimin min rawn thuam la,
I ram tana thawk zêl tûrin.
