Chhandamtu krista tel lo chuan
Phuahtu: S. Hmingthanga
1. Chhandamtu Krista tel lo chuan,
Lalpa nang nên chauh lo chuan;
Ka nung ngam lo khawvêlah,
I hnen ka rawn pan e.
Aw, Chhandamtu Krista tel lo chuan,
A chuai mai ṭhîn, lâwmna ber pawh;
Hmangaihtu dang ka hmu zo lo,
Nang lo chu ka Lalpa.
2. Ka zawng ṭhin lâwmna khawvêlah,
Hmangaihtu aw hai derin;
Mahse, tûnah ka hmu ta,
Chatuan lâwmna hlu ber.
3. Thlarau vakvai, Isua hnênah,
Lo kir rawh a nghâk reng che;
Chatuan nunna i chang ang,
Chhandamtu hnênah chuan.
4. I tân ka nung ang, Lal Isu,
Ka thih hun ni thleng pawhin;
Ka neih zawng pawh i tân chauh,
Ka hlân e, hmangaihtu.
