MizoLyrics.Com Mizo Lyrics - Aw hun leh kumte chu ni tin an ral zel a

Aw hun leh kumte chu ni tin an ral zel a
Phuahtu: Rokunga

1. Aw, hun leh kumte chu nî tin an ral zêl a;

Mi hausa leh mi ropuite,

Sâng tam tak an liam ta,

Kan hlim nî leh lâwm lai nî pawh,

Mual an liam ta kîr an rêl lo.

2. Kan pan lai hunte leh kan vânglai nite kha;

Dâwn kîrin lunglên a zual e,

Thinlai kâwl ang a hnîm ;

Ngai mah ila, au mah ila,

Mual an liam ta, kîr an rêl lo.

3. Khawvêl sum zawngte pawh rial ang an ral thei e;

Khawvêl pum pawh nei mah ila,

Lung a awi chuang lo'ng e;

Hunte'n an liampui leh ang a,

Ar ang vaihna khua a sei thlâwn.

4. Hei erawh min chhang teh, i hun i hmang ṭha em?

Thil ṭha tiin sualna do la,

Nunna kawng dik zawh la;

Tin, chatuan lâwmna i nei ang,

Hun danglam tawh lohnaah chuan.

:

Rokunga Hlate

Mizo Lyrics Available at