MizoLyrics.Com Mizo Lyrics - Davida veng khawpui tual nuam chu

Davida veng khawpui tual nuam chu
Phuahtu: Rokunga

1. Davida vêng khawpui tual nuam chu,

Tah chuan bâwng in tlâwm tak a awm a;

A chhûnga Vân Lal Fa lo piang chu,

Mi fingte'n chibai an va bûk a.

I lâwm ang, i lâwm ang.

Vân Lal Fa a lo piang i lâwm ang;

A fakna hlain khawvêl zawng hi,

Thang chhuak se, vân pawh thangkhâwk rawh se.

2. Tichuan Bethlehem dai phûlah chuan,

Berâm vêngtu tlâwm tak an awm a;

An hnênah Lal tirhkoh ropui chuan,

Lal pian thu lâwm takin a hrilh a.

3. Khawchhak mi fingte'n an lo hriat chuan,

Si-âr hmingthang chu an zui zêl a;

Ran thlênga Lal lo piang an hmuh chuan,

Lâwm takin chibai an va bûk a.

4. Chung Si-âr, kan tân lo êng ve rawh,

Hmâna mi fingte i hruai ang khân;

Bethlehem khuaah min hruai ve rawh,

Lal thar chibai kan bûk ve theih nân.

5. Hmânah Bethlehem khua ang khânin,

Kan ram tlâwmah hian lo piang ve la;

Mi fingte'n rimtui an hlân ang khân,

Kan hlân ve ang che, kan thinlung hi.

:

Rokunga Hlate

Mizo Lyrics Available at