Bethlehem arsi eng mawi ber
Phuahtu: P. Lalthianghlima
1. Bethlehem arsi êng mawi ber,
Kâwlkil thimah a lo êng a;
Kawng bote tân ênna a rawn pe a,
Khawchhak mi fingte rawn hruaiin,
Isua pianna a rawn thlen a,
Bethlehem arsi êng mawi, êng reng rawh.
Aw, Bethlehem arsi êng mawi,
Kan chungah ropui takin lo êng la;
Kan kawng atân êng min pe la ,
Chatuan ram nuam kan thlen thlengin,
Bethlehem arsi êng mawi, êng reng rawh.
2. Chawlhna, beisei arsi êng mawi,
Tlan sa mi fel malsâwmte tân;
Ropui taka lallukhum khum hun chuan,
Isua Pathian arsi mawi chu,
A lo êng zual deuh deuh ang a,
Bethlehem arsi êng mawi, êng reng rawh.
3. Bethlehem arsi êng mawi ber,
Aw, tûnah hian lo êng leh la;
Khawvêl sual thima kan vahvaih lai hian,
Mi fingte kawng i ên ang khân,
Kan thinlung sual thim chhun êng la,
Bethlehem arsi êng mawi, êng reng rawh.
