Aw hmangaihtu ka lal nunnem
Phuahtu: Rokunga Ralte
Doh is G
1. Aw, hmangaihtu ka Lal nunnem,
Lungngaiin chau mah ila;
I kut chakin min hruai zel la,
Min kalsan suh ang che, Lalpa.
Leiah lungduh ṭhen mah ila,
Thawhlehna ni ropuiah chuan;
Chhandamtu Lal Isua ke bulah,
Hlim leh lawmin kan leng dawn si.
2. Aw, ka nghakhlel chu ni ropui chu,
Thlentir thuai rawh, Lalpa,
Fam ngai riangvai fa kan lawm nan,
Her chhuahtir thuai rawh, Lalpa.
3. Thawhlehna ni ropuiah chuan,
Lalpa’n mittui a hru fai ang;
Chutin lawmin kan leng za ang,
Hmangaih lungduh ṭhente nen chuan.
4. Jerusalem thar nuamah chuan,
Lei hring nun kan ngai tawh lo’ng;
Chatuanin Lalpa hnenah chuan,
Hmangaihte nen kan leng dawn si.
