Khawvel par mawina lawmin
Phuahtu: Lalbiakdika Chhangte
Doh is C
1. Khawvel parmawina lawmin,
Hlimna leh muanna zawngin;
Kha chen, ka lo vak vel,
Mahse, hlimna kim Isua
Kha leh chen ka lo hre lo,
Lalpa min ngaidam ang che.
Ka tlin lohnate zawng zawng nen,
Lalpa i hnen ka rawn pan e;
I khawngaihna ban chakin,
Min kai la, i lamah min hruai rawh.
2. Vawi tam tak ka sualna hian,
A tilungngai ṭhin che a;
Mahse, i khawngaihna mak,
Ka chungah englai pawha,
I lantir ṭhin avangin,
Fak tlak ber Lal I ni.
3. Kan khawvel nun tawp hunin,
I van ram mawi leh nuamah;
Lalpa min hruai ang che,
Kan ṭhen tak hmangaihte nen;
Beram No thianghlim fak a,
Zaiho ka nghakhlel e.
