Khawvelah lawmna ka zawng a
Phuahtu: Ronald Sapa Tlau
Doh is A
1. Khawvelah lawmna ka zawng a,
A nuam lam apiang ka pan ṭhin a;
Hlimna thuruk chharchhuah ka tum laiin,
Ka nun kawng ka lo bo a nih hi.
Aw Lalpa, min ngaidam la,
Kei misual hremhmun hmabak mai hi;
Chhum zingah i ruala chhoh ve a,
I kianga len ve ka nghakhlel e.
2. Khawvel hausakna hui tumin,
Hmingthannate ka lo ngai hlu a;
Khawvel neih tuma theihtawp chhuah laiin,
Ka dinna hmun ka lo hai a ni.
3. Kan chenna khawvel bawlhhlawh hian,
Engtianga nasain zawng ila;
Lawmna min pe thei lo tih ka hre ta,
Isua lama hawikir a hun ta.
