Ni ropui leh rapthlak hmingthang ber
Phuahtu: T. Lalauva
Doh is F
1. Ni ropui leh rapthlak hmingthang ber,
Mi huaisente pawh an zamna ni tur;
Lalpa lo kal lehna hun tiam chu,
A lo thleng dawn ta, inring ang u.
Inbuatsaih ang, inpeih tawh ang u,
Lalte Lalbera lo kal thuai dawn e,
Kan Lal a nih loh na chuanin aw;
Kan ral hlauhawm ber a ni dawn.
2. “Tlangte u, min han khuh teh u khai,
Lungpuite u, min delh hlum mai rawh u;
Ka en ngam lo Pathian fapa khi,”
Inpeih loten an la ti ngei dawn.
3. Lalpa, Lalpa ti nazawngte chu,
An him chuang lo vang, thlamuang mah sela;
A dan zawm zel, nun thianghlim neite,
An la chho ang, van chhum zingah khian.
4. Kan nungchangte hian van a rem chuan,
He khawvela kan pen hnuhnung ber chu;
Van ram pan rahbi hmasa ber nen,
An la indawt nghal mai dawn a ni.
