Vantirhkoh thu chah hi ring taka tlangau vin
Phuahtu: Lalkhawsiama
Doh is D
1. Vantirhkoh thuchah hi ring taka tlangau vin,
Rinawm takin, rinawmin Krista tan punag r’u;
Mi tinrengte hnenah leh hnam tinreng hnenah,
Rinawm takin, rinawmin Krista tan puang rawh u.
Lo chhuak thuai rawh u, lo chhuak thuai rawh u,
In chhuah loh chuan boralna;
Khawngaihna kawng hawn lai hianin lo chhuak rawh u,
Ka mite u, a sualnaah chuan tel lo turin.
2. Vantirhkoh pakhatna chuan hei hi a sawi a,
Rorelna a lo thleng e, van rorelna chu;
Lei mihring zawng zawngten inringin ngaihven r’u,
Mi tin chanchin ngaihtuahna a ni, inring rawh u.
3. Vantirhkoh pahnihna chuan hei hi a sawi a,
Khawvel Babulon ram hi a la tlawm ngei dawn;
A chhunga chengte chu, “Lo chhuak thuai r’u” a ti,
In chhuah lo chuan boralna in la tawk dawn a ni.
4. Vantirhkoh pathumna chuan hei hi a sawi a,
Tupawhin sakawlh chhinchhiahna a neih chuanin;
Vantirhkoh thianghlim leh Beramno mithmuhah,
Mei leh katin ka hal ngei dawn che, Lalpan a ti.
5. Vantirhkoh thuchah hi puan zawh a nih hun chuan,
Lalpan a mite khawvela’n a rawn lam dawn;
Chhum zing aṭang khianin tawtawrawt a ri dawn,
“Ka mite u,” lo kal ru tiin a ko dawn e.
