MizoLyrics.Com Mizo Lyrics - Lei mawina leh khawvel par vul zingah

Lei mawina leh khawvel par vul zingah
Phuahtu: Vanlallawmi
Doh is F

1. Lei mawina leh khawvel par vul zingah,

Ka lo vak vel, hlimna zawngin;

Kha chen kha maw ka lo vaih khawvelah,

Kalvari tlang ngeiah ka lo chhar ta.

Ka thliak ve ang, kros pangpar ngei chu,

Kei misual riangvai hnemtua’n;

Ka thlang zawk e, khawvel par zawng aiin;

A chuai dawn lo, chatuan thleng pawhin.

2. Khawvel mite’n hmusit mah se langin,

Kei ka tan zawng chatuan lawmna;

Pangpar rimtui chuai thei tawh ngai lo chu,

Hmangaihna par rimtui ngei a lo ni.

3. Ngai teh, hringmi achan lai reng pawhin,

A leng vel thin a par rimtui;

Damlo, kebai,piangsual tanpui ngaite’n,

An lo dawng thin kros par rim leng vel hi.

4. A chuai lovang, ka Lalpa kros par vul,

Lungngai rethei, riangvaite leh;

Hringmi chatuan nunna ngaitute tan,

A vul zel dawn chatuan thleng pawhin.

5. Aw, nang pawh, tunah ngei hian lo kal la,

Khawvel par zawngle kalsanin;

Kros hmangaih par zawng hi han dawn ve la,

I chang ngei ang chatuan rohlu ngei chu.

:

Vanlallawmi Hlate

Mizo Lyrics Available at