Har mah sela lal Isua ka thenna ai chuan
Phuahtu: J.C. Rohnuna
Doh is F
1. Har mah se la, Lal Isua ka ṭhenna ai chuan,
Ka thlang zawk retheihna zawng zawng pawh;
Min hnemtua ka thlan ka Lal riangvaia chu,
Tunah hian vanah ro relin a awm an ti.
Min theihnghilh bik lawng ka Lal Isuan,
A ngaiin mittui tam tak ka seng;
Ka ṭhiante sawmin Amah ka lo hmuak fo ṭhin;
Chatuan nunna min rawn hawn anga ka ti ṭhin.
2. Ka taksa leh thlarau bawrhsawmna zawng zawng te,
Min hriatpuitu ka Lalpa Isuan;
‘Damna kim i hmu ang, hlimna tawp ngai lo nen,
I tan engkim ka buatsaih vek tawh,’ min lo ti.
3. Lei anchhedawng a tuarna tinreng karah hian,
Lawmna sawi hleihtheih loh min pe ṭhin;
Hmangaihna, hmangaihna aw ka sawifiah thiam lo,
Mi te ber leh sual ber pawh min en hrang ngai lo.
