Hmangaih lenrual dar ang kan len za hian
Phuahtu: Damhauhva
MKHTB(2007) 425
Doh is C
Hmangaih lenrual dar ang kan len za hian,
Ṭhen nan kawl eng leh reng hian a mawi lo ve;
Khawtlang sirva par tlan kan iang tawh hnu,
Lungrual tlaitla zankhua hi var zain.
Aw, ka nun hlui i chang tur chu,
Sen lai nau ang ṭah ni a tam ngei ang;
Ka nghilh lo'ng che, khuarei chan thleng pawhin,
Chham ang dairial piallei ka chan hma chuan.
Thinlai a vai riakmaw valeng iangin,
Saisen nau ang min dawm thiamtu an awm lo;
Par ang vul lai rel thiam awm tak ang maw?
Khua rei lunglen zun zam a tho leh ṭhin.
Aw, ka vul lai hring nun hi pialleian,
A la zal ang maw dairiala chang turin?
Lungduh par lai tuaidawn a chul tur hi,
Dawn chang reng hian thinlai a dam thei lo.
