I lenna zion ka ngai e
Phuahtu: Ngurzuala
MKHTB(2007) 377
Doh is E♭
I lenna Zion ka ngai e,
Ṭap leh rumin ka thlir fo ṭhin;
Chutah lungduhte an leng e,
Vanram ropui engthawlnaah chuan.
Lei hrehawm thim, ka vahvaihna,
Pelh ka nghakhlel lungngaih rumna;
Ka Chhandamtu, min hruai lut la,
I ram mawi zion khawpuiah chuan.
A lo chhuak zing ni eng mawi tak,
Ṭap leh rumin khawvel a khat;
Zan a lo thleng lungngai au ri,
Hmangaih Lal duhawm, ka ngai em che.
Lungngaih ṭah reng an sawi ngai lo,
Chhandamtu hnen han thlengte chuan;
Kei pawh ka hring nun a ral mek,
Lungduh ṭhente nen kan leng za ang.
Zan khawhar thim hnuaiahte pawh,
Ka Chhandamtu, min awmpui la;
Ka lungngaih thlaphan hnem turin,
I ram Zion min thlentir ang che.
