Israel fate chu Lalpan a hmangaih si
Phuahtu: Sailiani
MKHTB(2007) 312
Doh is C
Israel fate chu Lalpan a hmangaih si,
Mosi-a tirin a hruai chhuak a,
An tum ram nuam an thlen hmain sual ral a lian e.
An va riang em, an va riang em,
Aigupta hawi kirte chu!
Lalpan a tiam Kanan ram nuam chu an thleng lo vang.
Hun thar lawmawmah hian Lalpa i hmangaihte,
Hruai khawm leh la, aw Thlarau Thianghlim,
Kalvari leh chatuan ram nuam thlirtir zel ang che.
Aw, ka dinna hmun hi hun thar lawmawm a ni,
Hnutiang hawi lovin ka Lalpa chu,
Ka zui zel ang, chatuan ram mawi, Pa hnen in thlen ang.
Rangkachak tual nuamah chhung kimten leng ila,
Aw, ka lungkham leh ka enchimloh,
Nunna thing leh Salem Lalpa zaiin ka awi ang.
