Khawvel lungngaih leh buainaten
Phuahtu: K. Lalrinliana
MKHTB(2007) 262
Doh is E♭
Khawvel lungngaih leh buainaten,
Chhumpui angin ka Lalpa hmel a hliah;
Sualna, anchhia, mittui tlakna
Leh khawharna, tunah lo kiang tawh rawh.
Tunah ṭapin rum mah ila,
Ka hmaah chatuan par mawi vulna,
Ka Chhandamtun ka tan a siam,
Beramno hmangaihna ram eng mawi chu.
Rilṭam, tuihal, mittui tlakna,
Sualna hri reng reng a awm tawh ngai lo;
Hmun hring nuama nunna tui leh
Nunna thing par tlanin an leng ta e.
Kalvari tlang thing kraws chungah,
Riangvai fate lawmna leh thlamuan nan,
Ka Chhandamtu thisen a luang;
Lei tinrengin hria se an fak ngei ang.
Aw ka thlarau, thlawkin leng la,
Kalvari-a i Lalpa hnenah chuan;
Ka Lal Isu, min hruai zel la,
Ka thinlung sual thim takah cheng reng rawh.
