He khawvel thlaler hrehawmah hian
Phuahtu: Upa C. Tlanglawma
MKHTB(2007) 260
Doh is E♭
He khawvel thlaler hrehawmah hian,
Lungngaih, mangan, buaina karah,
Thlamuanna min pe thei an awm lo,
Chhandamtu, Lal Krista lo chu.
Hlim leh lawmin ka zai zel ang,
Chatuan lawmna ka neih tawh avangin;
Hmun hrehawm leh buainaah pawh,
Lalpa fakin ka zai zel ang.
He lei lungngaih buaina ramah hian,
Sualna chhumpui a lo zing ṭhin;
Mahse, Lal Krista chakna zarah,
Hnehin ka ngam sualna ral lian.
Aw ka Chhandamtu, min hruai zel la,
He lei khawvel hrehawmah hian;
Keimah chuan kal ngaihna ka hre lo,
Thlarau Thianghlim, min hruai zel rawh.
