Aw chhandamtu ka thinlung hi
Phuahtu: Nuthluaii
MKHTB(2007) 245
Doh is F
Aw Chhandamtu, ka thinlung hi,
I chen nan ka hawng e;
Ni tin zan tinin cheng reng la,
Ka lawmna a zual ang.
I thu anga awm zel turin,
Ka inpe ka pumin;
Ka taksa leh thinlung, engkim,
I duh angin hmang rawh.
Lei leh van Lal ropui ber chu,
Ka thinlung chhungah hian,
Eng lai pawhin cheng reng ang che,
Thlemna ka hneh zel ang.
I hmangaih, khawngaihna vanga,
Ka tan i tuarna kha,
Keimahah hian luhtir ang che,
I nun ka zir ve ang.
I hmangaihna kulhpui chhung hi,
Ka in nuam ber a ni;
Chhandamna bangin i hung a,
Ka himna ber a ni.
Ka duh zawng zawngte i hnenah,
Ka rawn hlan ta a che;
Van hmun ropui i awmnaah,
I vawng thianghlim zel ang.
Haleluia! Lal ropui ber,
I hming ka fak ning lo'ng;
Lei leh vanin i hming ropui,
An fak zual zel dawn si.
