Ka kraws puin lal Isua ka zui a
Phuahtu: S. Saihnuna
MKHTB(2007) 165
Doh is C
Ka kraws puin Lal Isua ka zui a;
Chak loh vangin tlukpui ṭhin mah ila,
A hmangaihna banin min kai a,
Thihna ka hlau tawh lo.
Thlan thim ka hlauh Lalpan a hawng leh ta,
Mi thianghlim tam tak an tho leh ta;
Kei pawh ka tho ve ang.
Kum hei leh chen hi Lalpan min awmpui,
Malsawmna tam tak min lo vur zel a;
Ka hrehawm tuar min tilawm turin,
Thlamuanna min pe ṭhin.
Ka dam lohvin Lalpan min ngaihtuah ṭhin,
Ka lawmna turin Bible min chhiartir;
Min hmangaihna tlanna ropuizia,
Thlamuanna min hrilh ṭhin.
Vawi tam tak Lalpa duhzawng ti lovin,
Ka duhzawng tam zawk ka ti fo ṭhin a;
Mahse, a sira mippui ang khan,
Min thlamuan fo ṭhin a.
Thawhlehna ropui Eden thar nuamah,
Lei thar leh van thar a inzawm hun chuan,
Chatuan thlengin Kalvari hnehna
Fakin ka zai ve ang.
Lalpa, thlafam kawng zawh dawnte hnenah,
I thihna leh i thawhlehna ropui,
I mite tan kawng i hawnsak hi,
Thlamuan nan hmantir rawh.
