Ka hma lama thil lo thleng tur
Phuahtu: Rev. Thattinlian Sungte
MKHTB(2007) 155
Doh is E♭
Ka hma lama thil lo thleng tur,
Lalpa Pathianin min hrilh a!
'Vuakna leh hrehawmnate hian,
A hmuak reng che a ni,' tiin.
Lal Isua hming a nih phawt chuan,
Phuarnate pawh ka tuar huam a,
Hrehawmnate ka tuar huam a,
Lung in tanna turahte pawh,
Thih leh nat tuar lo ṭul mah se,
Isua hmingin ka huam a ni.
Ka hming vangin hrehawm eng nge,
I la tuar tur ka hrilh ang che;
I tuar tawh a, i tuar zel ang,
I hrehawm tuar ka phal a ni.
Hrehawmna tam tak tuar zova,
Pathian rama lut tur kan ni;
Vuakna pan ser tam tak puin,
Ka Lalpa hnen ka thleng tawh ang.
Thih thlengin rinawmin awm lang,
Nunna lallukhum ka pe ang che;
Ka hming vangin i rinawm chuan,
Ka theihnghilh che hi ring lo la.
