Ka sum leh pai ka nunnate
Phuahtu: Kartar Singh
MKHTB(2007) 143
Doh is E♭
Ka sum leh pai, ka nunnate,
Min hawhtu hnenah vek ka pe;
Kumkhua pawhin dam dawn ila,
Ka bat ka tlak zo thei lo vang.
Ka nunna chang a duhtawk lo,
Nun sang tam tak a la duh fo;
Isua tan thih ka va lawm em!
A vang ka zawh a ṭul hlei nem.
Nangmah vangin min that mah se,
Krista, i nun ka ta ni se;
Hrehawmin min tuam vel mah se,
Thih thleng pawhin ka ring a che.
Vanram ropui ka ngaihtuahin,
Heng tuarna hi ka ngainep ṭhin;
Isua tan thih leh hrem ka tem,
A vang ka zawh a ṭul hlei nem.
Thihnate u, min man ta maw,
Natnate u, ka hmaa saw,
Ka Tlantu chuan min rawn thlamuan,
Hlau suh, i nunna ka lo vuan.
Thih muanna leh nunna min pe;
A hmel ropui hmaan a phe,
Isua ropuinaah ka pen,
A vang ka zawh a ṭul hlei nem.
Aw, Isua tan avang zawt suh,
Amah ringa thih hial pawh chu;
Ama hmangaihna alh eng chuan,
Ka rinna thim chu a rawn en.
Krista tan chauh dam dawn ila,
A tan ka inpe zo vang a;
Martara thihna tur a hnem,
A vang ka zawh a tul hlei nem.
