Lalpa lo kal lehna ni ropui chu
Phuahtu: Upa Tlanglawma
MKHTB(2007) 83
Doh is E♭
Lalpa lo kal lehna ni ropui chu,
A lo thleng dawn ta e, inpeih rawh u;
A lo kal lehna thutiam a thleng zel,
Ringtute u, inpeih rawh u.
Keini zawng van khua leh tui kan ni si a,
Van aṭanga min Chhandamtu,
Lalpa Isua Krista lo kal tur chu,
Nghakhlel takin kan thlir a ni.
Lalpa lo kal lehna awih lotuten,
'Lo kal lehna thutiam chu khawiah nge?
Siam tirh ata engkim a pangngaiin
A la awm zel,' an la ti ang.
Ropui takin a lo kal leh ngei dawn,
A hmangaih, a tlan sate hruai turin;
Chutin kan tana hmun buatsaihah chuan,
Chatuanin ro kan rel tawh ang.
Van Lal Fapa a lo ka leh hun chuan,
Hnam tin chi tina mi lalṭhutthlengah,
An thiltih ang zelin ro a rel ang;
Eng nge i dinhmun ni ang le?
