Bethlehemah i kal ang u
Phuahtu: Sangkhuma Hnamte
Doh is E
Bethlehem-ah i kal ang u,
Remna Lal Fa lo pianga chu;
Kan thinlung ro bawmte hawngin,
Lal thar chibai i buk ve ang.
Hlim leh lawmin i zai ang u,
Remna Lal Fa chu chawimawiin;
'Hosana' tia au rualin,
Chungnung berah ropui rawh se.
Amah zawngtu mi fingte chu,
Chung lam arsiin a hruai a;
Bethlehem-a Lal thar piang chu,
Lawmin rimtuite an hlan a.
Van mipuite lawm hla ri chuan,
"Chungnung berah ropui rawh se;
Lei chunga mihringte hnenah,
Remna thu leng rawh e," an ti.
Run in chang lovin lawm mah se,
A ropuina a zual zel ang;
Lal zawng zawng aia lal ber leh,
Khawvel Chhandamtu a ni si.
Tunah lawmin i zai ang u,
Remna Lal Fa chu chawimawiin;
A fakna ri khawvel khat se,
Ropui rawh se, Haleluia!
