I pianna run chhung chu ka en ngam lo
Phuahtu: Zahuala
Doh is G
I pianna run chhung chu ka en ngam lo,
Van mi ril bung angelte lawm hla;
Kan sual vangin kan Lal, Chhandamtu chu,
Ṭhen nan zai an rem, angel lungrualin.
Aw, ropui rawh se, kan Lal, Chhandamtu chu,
Zawlnei hrilh lawk Lal Imanuela chu;
A lo thleng ta chatuan pialral kalkawng,
Tho rawh u, lei mi, en r'u, kan Lalpa saw.
Lal tam tak lo piang tawh mah selangin,
Ka Lal Chhandamtu ang an awm lo ve;
A riang van hnuai Tlantu Beramno saw,
Min lawmpui rawh u, angel lungrualin.
Saisen i pianna bawng in tlawm hnuai chu,
Thlemna chhum zing hnuaiah ka han thlir a;
Ka lunglai min run e, Lalpa Isu,
Rauthla zai an rem ta, Lalpa chawimawi turin.
A sulhnu an chhui hian ka Lal nunnem,
Saisen a riang hriampui tinreng tuar chu;
Mi hrang dawn lai lili par thliahna hmun,
Thlarau, lo leng la, aw, i awi ang Kalvari.
