Hmanah kan lawmna mual liam hnu kha
Phuahtu: Zothanga
Doh is C
Hmanah kan lawmna mual liam hnu kha,
Aw, a lo thleng ta, Bethlehem tlang
Chungah Lal thar a piang;
I lawm ang u, sal tangte chhuah dar,
Jubili a lo thleng, Haleluia!
Aw, a thleng ta, Haleluia!
Kan lawmna ni chu a lo thleng ta;
Eden zan reh lai taka muhil
Tho r'u, kawl a eng e;
Lalna ram ni eng mawi chu a zam vel,
Lungngai faten lawm hla an sa.
Mipui zawng zawng chu an kal liam ta,
Bethlehem tlang chung chu an thleng ta;
Aw, i kal ve ang u,
Chatuan arsi eng chuan min hruai ang,
Lal pianna hmun chu min thlen ngei ang a.
An din thar leh ta, khawvel hlui hnu,
Eden pangpar chuai hnu chu a vul,
Lunglai ka her leh ang;
Ngaih a na e, Bethlehem tlangpui,
Ka Lal siang lawina run chu a lo ni.
