Ngai a dawn ni bang lo, aw ka ram ngaih chu
Phuahtu: TinTin Lalmuankima
Satu(te): Lalthansangi
NGAIH NI BANG LO
Ngai a dawn ni bang lo, Aw ka ram ngaih chu;
Kar min dan hringnun hian, Rangkachak khawpui chu;
Ngaih ni bang lo, Ngaih ni bang lo, Aw!
Chung thangvan salem khawpui chu.
Aw ka ngai zual thin ka ram hlun tur,
Lungngaih mangan a awm tawh lo khawpui mawiah;
Angel var nen hlim zai vawr a,Kan lenna tur ram chu.
Ka thlir chang hian aw Thlen hlan ka van nghakhlel em!
Chu khawpui kan thlen hun chuan (x2),
Lungduh kan kim tawh ang chu ramah chuan;
Inthen kan bang tawh ang,
Aw chatuan, chatuan, chatuanin,
Hosana, Amen! A va nuam dawn em.
Aw i kal zel ang, i zam lawng aw,
Khualzin cham chhung a rei tawh lawng, A rei tawh lawng;
Thuthlung ram chhan ral dotute, Lal dan a thawktute,
I zam lawng aw, Lal run nuam kan thlen hma loh zawng.
Aw thlarau thianghlim min hruai zel rawh,
I hnen thlen hlan kan nghakhlel e Thuthlung fate'n;
I ram kan ngaih a bang thei lo, Kan ngai che, kan rum e,
Tapin kan rum lungngaih chhumpui zing hnuaiah hian.
Damna ram eng nuam khawpuiah chuan,
Hawihte'n an leng thuthlung vuantu lungduhte chu;
An engthawl e, zalenna ram hmun mawiah an leng e,
Ka hringnun mual liam hun chuan ka la thleng ve ang.
