Khawvel hrehawma ka len hian
Phuahtu: Zumi
MKHTB(1936) 179, MKHTB(2007) 261
Doh is E♭
Khawvel hrehawma ka len hian,
Sualin ka rilru a tibuai;
Kan thinlung sual khawel hawi tawh hnu hi,
Kalvari lamah hruai leh rawh.
Aw ka Kulhpui leh ka Lal i ni,
Min pui turin nang ka ngai che;
Khawvelah lawmna a awm lo,
Nangmahah chauh ka thlamuang ang.
Mitthi ngaih, ṭah leh rumte pawh,
Chu ramah chuan a awm tawh lawng;
Lei hrehawm, lungngaihna pelh hun tur chu,
Rina thlir hian lung a leng e.
Ka lungngaihna leh ka buaina,
Pela Lalpa hnena thlen ka chak;
Rethei fate kan lawmna par mawi kung,
Aw ka Lalpa, Nang i lo ni.
Ka lungngaih nite tam mah se,
Aw ka Lalpa, min hruai zel rawh;
Chawlhna ram nuam hi ka thlen hma chuanin,
Sualna ral lian ka do zo lo.
