Chhandamna kawng a inhawng e kalvari tlangah
Phuahtu: Upa Tawnluia
MKHTB(1936) 136, MKHTB(2007) 236
Doh is C
Chhandamna kawng a inhawng e, Kalvari tlangah,
Lungngai riangvai hmun nei lo tan;
Lawma kan len vena turin,
A siam ta e, van Lal in khi.
Ka rawn pan e, aw ka Lalpa,
I hmun siam chu;
Sual leh buaina ral lian mah se,
Nangin min lo kai zel ang che.
Ka thlarau, i Chhandamtu thihna Kalvari-ah,
Chhun leh zanin va leng ang che;
Tah chuan i chenna tur ram khi,
Thlir la, i lungngaih a hnem ang.
Thil hlui zawng zawng an ral ta, An lo thar leh ta e,
Suala hliam hnu lo tho rawh u;
Chenna turin a siam ram nuam,
Lawma kan zalenna tur chu.
Imanuel lei leh van thar khawpui nuamah chuan,
Aw, engtiknge ka thlen ve dawn?
Ka ngai em e, chatuan ram khi,
Lenrual lungduh kimna tur chu.
