An va hlu em thil nung tinreng
Phuahtu: Chali
MKHTB(1936) 70, MKHTB(2007) 167
Doh is C
An va hlu em, thil nung tinreng,
Tlangn tin mawia lungrualin;
An zai, van Lal awiin - khawvelah,
"Aw, Lal ropui ber," tiin an zai.
Aw Haleluia, chungnungber,
Lei hmun khawhar leh i sulhnu ram rehah hian;
Lo leng rawh, rinpui ber Lal Isu.
Ka nun chhung lei thim zingah hian,
Ka au zel ang Chhandamtu;
Thlen hlan ka nghakhlel nun tawp lo ram,
Lo leng rawh chatuan kumhlun ram chu.
Dam lai ni kawlah liam mah se,
Ka nghah Kanan khawpui chu;
A lo eng ang ni tla seng lo ram,
Lawm a kim tawh ang, lallukhum nen.
Lal lenna Zion ralmuangah,
Aw, lei leh van Lalpa chu;
Haleluia ti-a zai zelin,
Angel nen lalṭhutthleng din hualin.
