Tunah khawvel buaina nen hian
Phuahtu: Vankhuma
MKHTB(1936) 44, MKHTB(2007) 69
Doh is A
Tunah khawvel buaina nen hian,
Chhim leh hmar hrut mah ila;
Van In ka lawi ve hun chuanin,
Ka hmu ang - lawmna kim chu.
Thihna lui ral ka kai hun chuan,
Kalvari tlanna thisen -
A ropui e, Halleluia!
Tiin ka fak ning lo vang.
Hmangaihna tinreng chu khumin,
Hmanah Lalpa a vakvai;
Aw ka thlarau, thlir zel ang che,
Chhandamtu i hmuh hma chuan.
Jerusalem fang chhuak mah la,
Aw, Kidron lui ral lamah;
Chhandamtu chu va zawng zel la,
Kalvari i thlen hma chuan.
Anchhe hual vel chu tlangah chuan,
Hlau lovin kal zel ang che;
Ka thlarau, i lawm a kim ang,
I Chhandamtu thisenah.
Thlarau vakvaite zawng zawng chu,
Kalvariah an leng khawm;
"Aw, hmangaihna a va mak em!"
Tiin an fak ning ngai lo.
