Ka umna hnuoi rinum ram hi
Phuahtu: Mrs. Synodthang
KHTB 371
MI THUOI PEI RAWH
Ka umna hnuoi rinum ram hi,
Ṭuoi el sienla, hnuoi parte hi;
Rinum tuora ka ṭapna ram,
Hnuoi rinum ram, bo el ta rawh.
Aw ka Lalpa, mi ṭhuoi pei la,
Damlai rinum ka tuor laiin;
Thlarau thienghlimin mi ṭhuoi la,
I hmangai hmel min hmutir rawh.
I hminga rinum ka tuor hi,
A la tlawm ie, aw Sandamtu;
Tuor pei dinga i mi ko hi,
Ka lawm ngei aw, Halleluijah.
I tuornahai kan nghil hlak a,
Aw ka Lalpa, a na taluo;
Kan suol leia i tuorna hliem,
Chawl um lovin min hmutir rawh.
Ka thlir nghawk nawh, Lalpa chengna,
Thei ni sienla, vuong kai ka tih;
Insuknatna um ta naw nih,
Halleluijah, Halleluijah.
Chu khawpui mawi ka tlung pha chun,
Hril siet, tawngsie ka tuor hai hi;
Ka lawmna ding la ning an ta.
Ka lawm ngei! Aw Halleluijah.
