Ei lungril lailung sunga ram thar hung inlang hin
Phuahtu: Mr. Songsangvel
KHTB 368
SIM THLI HMAR THLI
Ei lungril lailung sunga ram thar hung inlang hin,
Hmangaina rimtui bun suok an hawk ie;
Lang thei thil, harsatna, vangduoina ei ruothai hi,
Lal rimtui hung suok theina an ni lem.
Tho la, aw Hmar thli, nang Sim thli, hung hrang rawh,
Ka huon chungah hung hrang vel la;
Rim inhnikhaichu a fe suok theina dingin,
Hmangaitu hre lo hai an tlei vena dingin.
Lalin a ram a thik ie iengtin am thaw tang ei ta?
Krista aia palai ei nina hi;
Mi hai kuoma inchikna tar suok ei hun tah ie,
Ram enkawltu dinga Lal ruot ei nih.
Nahai, tisa mi varin thil hlu maw a tlansan,
Sekibusuok hmu di'n huoisen a tul;
Khawvelin thil ṭiuma a ruothai pui hi,
Lal rimtui bun suokna'n ka hmang lem tah.
Mi po po tiem dign Lal kutsuok maw ei lo nih,
Leilung dawnna thil ṭium 'Lo lang maw'?
Sepui tiet tietin 'Lo lang rawh' ka nun Krista in,
Lal chawimawina'n lo thung kir pei kan che.
