Hliempui tuorin thinglerah ka Lalpa an ruma
Phuahtu: Rev. Lalkhawmawi Tuolte
KHTB 366
PATHIEN MAKSAN NUN
Hliempui tuorin thinglerah ka Lalpa an ruma,
A pa in a tuorlai hmel a en ngam nawh;
Ka Pathien, ka Patien, iengdinga mi maksan am,
Tiin, thlaphang rawlin a hung khek suok tah.
A va rapthlak ngei Pathien maksan nun,
Hremhmun meidil nun rinum tak chu;
Ka tuor aiin ka Lalpa'n a mi tuorpeka,
Pathien umpui nun a min hlan, Hallelujah.
Pathien hnai hi ka ta ding chun a lo va ṭha ngei,
Pathien umpui hai chu an eng a thawl ie;
Meipui sen inrum lai peilutin um hai sien khawm,
An sam zaikhat el khawm meiiin a kang nawh.
Sakeibaknei huoisen phingṭam lai hai puk sungah,
Pathien umpui Daniel zam a rel nawh ie;
Lal Krista kum sang rorelna nun chu intem lawkin,
Inremna hmangaina par khuoi ang an tlan.
Thina varuom hraw lang khawm iengkhawm ṭi naw ning ah,
Ka Lalpa kuomah a um zign sih a;
A hmawl le hembawk haiin an mi thlamuon peia,
Chatuonin a kuomah um zign tang ka tih.
