Ka lal hmangaina zai hlan awi ka tih
Phuahtu: Rev. Zosanglien
KHTB 362
Ka Lal hmangaina, zai hla'n awi ka tih,
Adam thlan thim ruongkhar sungah;
Rauthla'n an tho ta maw e.
Ka Lal hmangaina, tawp ni nei lo chun,
An hril Hmar tlang thimpui chungah;
Lili ang hung vul rawh ie.
Ka Lal hmangaina, ṭuoi ni nei lo chun,
Ruongkhar sungah buonlei chang hnung;
Thlafam an tho sieu sieu ie.
Vanrang sum khel tieng thlomu ang vuong ie,
An hril vanrang sum khel tiengah;
Thlomu ang vuong veng veng ie.
Paradis ram, chawlhmun tlagn inhawi,
Paradis tuol lai zawlah;
Lawmman sem hieu hieu va ie.
Mitdel kebaihai, piengsuol tinrenghai,
Zion khawpui thar tuol laiah;
Sakhi ang chawm phat phat ie.
Anrieng, pasiehai, chun le zuo chawilo,
Lungmantam khawpui tuol laiah;
Nau ang nui sieu sieu va e.
Rangkachak tuol lai, phingṭam dangcharhai,
Hring inluon tui nau ang an dawn;
Angel tuol lengna hmunah.
Ṭin zai an rel nawh, inkhawmpui kumhlun,
Angel var le serafim leh,
Innei diel diel ta maw e.
Ka Lal hmangaina, zai hla'n awi ka tih,
Lalṭhungpha le Lallukhum leh,
Hringnun tawp lo ram ka chang.
