Amin an hril kanan ram mawi
Phuahtu: Mrs. Mawivel
KHTB 351
Amin an hril Kanan ram mawi,
Damlai ni ngeia hluo ding a nih;
Ram mawi an tih channa a nih,
Channa khelah lungawina a nih.
Lawm a um ngei, Halleluijah,
Chan a tul leh chan ei tiu va;
Tuor a tul leh tuor ei tiu khai,
Lal ta di'n fe suok ei tiu leh.
Ram inhawi aw, Kanaan ram mawi,
Bawng nene le khuoizu luongna ram;
Chu ram chu chang di'n sawl a ngai,
Khuoizu dawn di'n tuor a ngai a nih.
Tuorna le khuopna'n a hmuok che,
A hi pawm ngei ngei ding a nih ie;
Hringmi ngaiin a rapthlak ngei,
Lalpa zawng suok ram a nih, E khai!
Lalpa'n a nauhai chan ding a,
A tiem ram mawi chu a lo nih ie;
A hluo dingin in zo tam leh,
Van ruo tui dawng ram a lo nih ie.
Thu tak tanin ral do ei tiu,
Lalpa dit dan chu zawng pei ei ta;
Suol le inrem a phal nawh ie,
Dikna Lal hmawl chu chawi sang ei tiu.
