Damlai thlaler ka khuolzinna hnuoi ram hi
Phuahtu: H.K. Thanglung
KHTB 350
LUNGAWI KA TIH LALPAA CHUN
Damlai thlaler ka khuolzinna hnuoi ram hi,
Natna, thina, ṭamna tlaksam, saruokna hai;
Tlung naw thei dign chagn naw thei ei ni nawh,
Bawsietna leia tlung vawng an lo nih.
Lungawi ka tih, Lalpaa chun,
Thina hnetu Lal Krista lei chauvin,
Chung tieng thi thlamuongna a hung tlung a,
Lawm naw thei kan nawh ie, Halleluijah Amen.
Damlai thlalerah lungawina a um nawh,
Thina lusun nan a mi tlak buoi vel lai hin;
Ram thar hluo ding ei nih, lungngai naw mei nih,
Lalpa hmangaina a va ropui ngei.
Chungtieng Jerusalem thar ka ngaituoin,
Thina lusun nau mi sukbuoi ta ngai naw nih,
Ram sukhning ruol lo chu chang ei ni sih a,
Hma tieng panin Lal ramah lut ei tiu.
Lalpa ni chu a hung tlung vak ding a ni tah,
Thina lusun na'n ni tin a mi tuom vel a;
Hun an hmaw, a liem mek, nun hlui thlir ta lovin,
Hringna tharin hma tieng kal chawi ei tih.
Ei ngai fe tahai thlirin lung an leng ie,
An sul hnung khaw tlang ngui ruoi ka hang thlir changin,
Tap naw thei kan nawh, kan zinna hnuoi ramah,
A famkima tuok khawm kar ka nghakhla.
