Lalpa zawng suok ram kanaan ram mawiah
Phuahtu: Rev, Siekkhawlun Songate
KHTB 349
THAIDAWP AN ZAMNA JORDAN RAL
Lalpa zawng suok ram, Kanaan ram mawiah,
Ringnaa chengin, leng dagn ngai lova,
Mihrang an lengan Jordan vadung ralah,
Tuk-lo ram hring duoi, thing tin par vulna,
Khuoi vate an kaina.
Hma thuoitu Krista, Hnetu Lal ropui chu,
Aw! thaidawp an zamna Jordan ralah;
Mi hranghai sul hnung ram mawia chun;
Mani thaw suok ram, doral an zamna,
Ringnaa kal chawiin,
Hma thuoitu Krista, Hnetu Lal ropui chu.
Hnung tieng ka thlir a, Aigupta rimtui,
Sar ang an zam vel, Akan lunghnemtu;
Silpuon mawi tinreng, ni tinin an mi thlem;
Thlaler hnung sawnin, lungriem mitthli leh,
Jordan tuifawn chungah.
Kanaan ram hluto, Hit mi, Periz mi,
Gerga mihai leh, Amor mihai leh,
Jebus mihai chu riel angin an dei zo;
Gigala chengin, hmusitna suonglung,
Lalpa'n an hlum hmang tah.
Thim lal kul do di'n mi hranghai tho ro,
Hossana' tiin, Ringna phaw hakin,
Sandamna lukhum, thlarau ngunhnam chawiin,
Joshua, pasaltha ringna mi huoisen,
Kaleb, mi ringum angin.
