Tho nawkna ram thuruk lal krista chu
Phuahtu: Mrs. Ramthang
KHTB 347
HNETU KRISTA ZARIN
Tho nawkna ram thuruk Lal Krista chu,
Kan hmuin kan lawm ram thar mawi;
Chuoi ni reng reng um lo Lal Krista chu,
A famkimna va ropui ngei aw, Halleluijah.
Kan buoi nawh, kan zam nawh,
Hnetu Krista zarin;
Do le ral hung hrang hai sien khawm,
Zam lovin kan ram kan hluo pei,
Hmangaitu Lal Krista zarin.
Kan hluo le kan chengna ram hi a mawi,
An hawiin thla a muong bawk si;
Jehovah, Lalpa ngaituona tlangah,
Kan lo chawl lem an ta ie, aw thonawkna nauhai hi.
Kanaan ram thar Krista, chawlna inhawi,
Ni tinin, ni tin a mi thuoi;
Ni khat dingin ni khat a lo huntawk,
Zinga dingin zinga inrel el hi a lo ni lem.
