Hi khawvela hin ringtu an tam ngei ie
Phuahtu: Evan. Lalthangzuol
KHTB 336
LUNGAWI PEI KA CHING TAH
Hi khawvela hin ringtu an tam ngei ie,
Sienkhawm, ringtu nun dan thiem an tlawm ngei ie;
Sienkhawm, phur rik phur le nun chawl lo hai di'n,
Nun dan thiem min chuktirtu Isu a nih.
Nun dan ka lo thiem tah, -(2)
Min chuktirtu Lal Isu, Ama ngei a nih;
Lungawi pei ka ching tah, -(2)
Lungawina min chuktirtu Isu a nih.
Sum le pai hausakna duamnahai hin,
chinlem a nei si nawh lungawi tawk an tak;
Rethei pasiet khawm hi Isu ṭhang naw chun,
Tuor thiem dan a um nawh, lungawi tawk an tak.
Rethei dawn ka thiem tah, hausak dan ka thiem tah,
Tlai le khawp phing tama um dan ka thiem tah;
Mi hmangaitu Lalpa ka iengkim a nih,
Mi sukhrattua chun iengkim ka thaw thei.
Krista hmangaina'n iengkhawm mi ṭhe naw nih,
Ṭitna le lungngaina rinumnahai hin;
Lawmna le lungmuongna mi thuoitu a nih,
Mi sukhrattua chun iengkim ka thaw thei.
