Khawvel sim le hmar ram ka hang thlir velin
Phuahtu: Mr. Lalfakthang
KHTB 333
LUNGAWI PEI KA CHING TAH
Khawvel sim le hmar ram ka hang thlir velin,
Lungngai, tap le beidawngna'n a zip zo;
Lalpa i mi maksan ding maw?
Ṭhangpui ka ngai a nih.
Thlamuongna aw, thlamuongna aw Lalpa,
Hnena nun ramah mi thuoi lut la;
Ka dam sung ni hung tlung pei hin,
Lungawi pei tang ka tih.
Kan zinna thlaler, thina, lusunna ram,
Lungngai, natna, tamna, khawsawtna hai;
Mi lien le mi chin chunga khawm,
A tlung ding hrim a nih.
Eini nuom hunah thina tlung thei an nawh,
Lalpa ro relna hnuoia um ei nih;
Lungawi nawna ding a um nawh,
Lalpa remruot a nih.
A hmun le a hun thlang thei ding ei ni nawh,
Ieng huna khawm thina chu hung tlung sien;
Lungawina rama leng ei nih,
Krista Isua chun.
Pielral ram mawi ei tlung ve pha le chun aw,
Khawvel bohmang ding hi suoksan ei ta;
Ei mi ngaihai le intuokin,
Halleluijah, amen.
