Hun a danglam a liem zo mek
Phuahtu: Dr. E. Robert Sanate
KHTB 315
INZO RAWH
Hun a danglam a liem zo mek,
Chawlna ram chu ni tin ei hnai pei;
Hun khir tak hung tlung hma ngei hin,
Lalpa tuok dingin inzo rawh.
Hun a liem a bo mek lai hin,
Nun thara leng a tul ngei ie;
Hun lawm um tawite um sung hin,
I Pathien tuok dingin inzo rawh.
Suol thimah i la'n tang zing maw,
Sandamtu'n vawisun hin a ko che;
Nakie tia tlansan lovin,
Lalpa tuok dingin inzo rawh.
Aw rawl mawi tak aw Lal Isu,
Vawisun hin kan ngai che khek nawk rawh;
Kan ram inthim se zo ta hung,
Vul nawk ngei a tih i ta di'n.
Kan ram kohran inrieng tak hin,
Bu anga nguiin a chau zo tah;
Fena tluong lam kan invai zo,
Hung tir rawh thlarau sukharna.
