Aw gospel khuolzin khaw tienga fe dim i na
Phuahtu: Rev. Douzapao
KHTB 313
LALPA RAWNG BAWL KA SIN A NIH
Aw Gospel khuolzin khaw tienga fe di'm i na?
Nangma ngaia dang char sang tam tak an um ie;
En zinga hmu lo le ngai zinga hre naw ha'n,
I thil thawthei sandamna an nghak zing.
Muol le tlang sang sien khawm fe ding ka nih,
Lalpa thupek zui naw thei ka ni nawh;
Hmangaina'n a mi tir, ka cham lovin,
Lalpa rawng bawl ka sin a nih.
Setan suokin mi sang tam thim hnuoiah an um,
Kalvari sandamna kawl ni suok hre lovin;
Hremhmuna dingin a thlem lung muong Setanin,
An liem zing ie, aw Gospel ko vat rawh.
Gospel kona lawm um pawm nuom nawtuhai chun,
Tap le harawt tuor tang an tih, chatuon chenin;
Chun insirhai sien khawm ngaidamna um lo ding,
Chatuona hremna chu chang tang an tih.
Aw unauhai, Gospel kona hung pawm vat ro,
Gospel hun tawpna ding rapchar ni a hnai tah;
A ringtuhai po chu van ramah cheng an ta,
Chawl tang a tih, Halleluiah tiin.
