Thlarau tuipui khup chena ka pal laiin
Phuahtu: Pu Neitam
KHTB 309
Thlarau tuipui khup chena ka pal laiin,
Kawng chena pal di'n an mi fiel a;
Ring chena pal tia kan ngai laiin,
Inhlieu dingin an mi ko nawk an tah hi.
Thi le thi, le dam le dam,
A mi thuoitu mei le sum khawm an tawl pei,
Khaw ram hnunga hin, ieng am chang chuong ka ta,
Hei zui nawk phawt el ka tih aw leh.
Ringnain Kanaan ram tieng ka pan laiin,
Mei le sumin ka hma a mi thuoi;
Mana, vamimhai ka dawng leiin maw,
Um sawng ka tum a thuoitu dawnsak lovin.
Tiena Mosie'n Kanaan ram a pan laiin,
Dan hmangin thuoi tlung hram a tum a;
Kanaan ram tlung ngei ding a thlir laiin,
A hmangaihai chu a lo famsan ta maw.
Zawngtu le a zawnghai intuokna Kanaan,
Tap le harawt tawngsiehai a bo;
Rulmuk le naupanghai an tuolchaina,
A laia entu le vengtu Beramte.
